9. okt. 2009
Eftirfarandi skjöl eru nú komin á vefsíðu Náttúruverndarsamtaka Suðurlands.
1. Athugasemdir NSS um aðalskipulagsbreytingu vegna Bitruvirkjunar.
2. Grein sem birtist í Umhverfinu , blaði Kivanis manna á Suðurland um virkjanir á Hellisheiði.
3. Athugasemdir Ingibjargar Elsu Björnsdóttur og Björns Pálssonar við aðalskipulagsbreytingu Ölfus 2009-10-07.
21. júní 2009
Náttúruverndarsamtök Suðurlands héldu aðalfund sinn á Kirkjubæjarklaustri laugardaginn 6. júní sl.
Í stjórn samtakanna voru kosin til eins árs : Birgir Þórðarson, Elín Erlingsdóttir, Gunnar Ágúst Gunnarsson, Ingibjörg Elsa Björnsdóttir og Ólafía Jakobsdóttir.
Í varastjórn voru kosin: Bergur Sigurðsson, Daníel Magnússon og Ragnheiður Jónasdóttir. Skoðunarmenn eru: Óskar Þór Sigurðsson og Sigurður Sigursveinsson.
Stjórnin skiptir með sér verkum á næsta stjórnarfundi eftir aðalfund, en fráfarandi formaður stjórnar er Ólafía Jakobsdóttir.
Tvær ályktanir voru samþykktar samhljóða á fundinum:
*
Ályktun um friðun Langasjávar og nærliggjandi svæða.
* Ályktun um útiræktun á erfðabreyttu byggi.
21. júní 2009
Málþingið- Náttúruvernd og atvinnusköpun.
Að loknum aðalfundinum var haldið málþingið „Náttúruvernd og atvinnusköpun“ þar sem um 40 gestir voru mættir. Fundarstjórar voru Sigurður Sigursveinsson framkvæmdastjóri og Elín Erlingsdóttir landfræðingur.
Málþingið hófst með ávarpi Svandísar Svavarsdóttur umhverfisráðherra.
Aðrir framsögumenn voru: Ólafur Páll Jónsson lektor í heimsspeki sem fjallaði um „Hagsæld og náttúru“. Ketill Sigurjónsson þjóðgarðsvörður nefndi erindi sitt „ Ísland- best í heimi? Hugleiðingar um markaðssetningu“.
„Náttúruleg atvinnusköpun“ var yfirskrift erindis Steingerðar Hreinsdóttur verkefnastjóra Atvinnuþróunarfélags Suðurlands.
Eftir kaffihlé var sjóbirtingurinn í Skaftárhreppi í öndvegi. Magnús Jóhannsson fiskifræðingur flutti erindi sem hann nefndi „Fiskstofnar í Skaftárhreppi- auðlind til framtíðar“ og Jóhannes Sturlaugsson fiskifræðingur kynnti verkefnið „ Sjóbirtingssetur Íslands – vaxtarsproti í ferðaþjónustu og fræðslumálum“.
Síðasta erindið flutti Ingibjörg Eiríksdóttir ferðamálafræðingur og fjallaði hún um „Ímynd og tækifæri í landi frumkraftanna“.
Á milli erinda og í lok málþingsins svöruðu fyrirlesarar mörgum spurningum og líflegar umræður urðu um málefnið. Mismunandi sjónarmið komu fram hjá fundarmönnum um náttúruvernd og aðra nýtingu náttúrunnar til atvinnusköpunnar og ljóst er að sátt um þau mál er ekki í sjónmáli. Samtökin hafa því nú sem fyrr miklu hlutverki að gegna og munu standa vörð um hagsmuni náttúrunnar og tala máli hennar hvenær sem tækifæri gefst.
Náttúruverndarsamtök Suðurlands færa öllum frummælendum og gestum málþingsins bestu þakkir fyrir þátttökuna.
27.05. 2009
NSS gefur umsögn um „Erfðabreytt bygg“
Sjá nánar.
................Fréttir
- framhald
